ԾԱՌԱՅՈՒԹՅՈՒՆՆԵՐ

«Սիրմեդ» ամբուլատոր ախտորոշիչ բժշկական կենտրոնը գործում է 2014թ. փետրվարի 26-ից: Կենտրոնը ուրույն տեղ է զբաղեցնում պոլիկլինիկաների և ստացիոնար բուժհաստատությունների միջև և իր գործունեությունը ծավալում է հետևյալ երեք հիմնական ուղղություններում.

• լաբորատոր հետազոտություններ,
• դիագնոստիկ (ախտորոշիչ) հետազոտություններ և բուժում
• էսթետիկ բժշկական ծառայություններ:

Կենտրոնում բոլոր հետազոտությունները իրականացվում են շվեյցարական, գերմանական, ֆրանսիական, ամերիկյան և ճապոնական սարքավորումներով.

• լաբորատոր կլինիկական ախտորոշիչ /Roche/, PCR /Rotor gene Q./ և մանրէաբանական լաբորատորիայի ավտոմատ սարքավորումներ /Vitek 2/
• ողնաշարի դեկոմպրեսիոն՝ տարածաշրջանում եզակի Exten Trac Elite-M3D սարք,
• սրտաբանական ախտորոշման սարքավորումներ՝ համալրված կենսական կարևոր օրգանների ֆիզիոլոգիական ցուցանիշների իրական ժամանակում մոնիտորինգի հեռակառավարվող նորագույն Zephyr Life համակարգով,
• 3D/4D թվայնացմամբ TOSHIBA Aplio 500 ուլտրաձայնային համակարգ,
• Dornier Aries էքստրակորպորալ հարված-ալիքային թերապիայի սարք,
• BTL-5000- Կոմբինացված թերապիա (Էլեկտրաթերապիա, Ուլտրաձայն /1 և 3մհց/, Լազերաթերապիա /ինֆրակարմիր, կարմիր, կոմբինացված/, Մագնիսոթերապիա),
• BTL-6000- Կարճալիքային դիաթերմիա:

Կենտրոնում իրականացվում են հետևյալ հիմնական ծառայությունները՝

• կլինիկական, բիոքիմիական, իմունոլոգիական, սեռոլոգիական, բջջաբանական, պոլիմերային շղթայական ռեակցիա (ՊՇՌ), մանրէաբանական լաբորատոր հետազոտություններ
• լազերային թերապիա
• պլաստիկ վիրաբուժական
• ուլտրաձայնային հետազոտություններ
• ակնաբուժական հետազոտություններ
• քիթ-կոկորդ-ականջաբանական
• մանկաբարձագինեկոլոգիական
• ուրոլոգիական
• մաշկաբանական
• թերապևտիկ
• նյարդաբանական
• սրտաբանական
• գաստրոէնտերոլոգիական
• ռևմատոլոգիական
• էնդոկրինոլոգիական
• կինեզիթերապևտիկ
• ֆիզիոթերապևտիկ
• կոսմետոլոգիական

Կենտրոնում ներդրված են ժամանակակից տեխնոլոգիաների պահանջներին համապատասխանող ավտոմատ կառավարման համակարգեր:

Կենտրոնը ունի նաև «SIRMED» ՁԵՐ ԱՆՁՆԱԿԱՆ ԲԺԻՇԿԸ բջջային հավելվածը, որի օգնությամբ Դուք կարող եք ուղղել Ձեզ հետաքրքրող հարցերը անմիջապես բժիշկներին:
Կենտրոնը ունի հարմարավետ, վերանորոգված կաբինետներ՝ հագեցված մեկանգամյա օգտագործման բժշկական պարագաներով, իսկ որակյալ մասնագետները ապահովում են բժշկական միջազգային չափորոշիչներին համապատասխան ծառայություններ:

Կենտրոնում գործում է դեղատուն: